ANG
MAESTRA
RVQ
Nung ako’y munti pa
hindi nag aaral
Laging maligaya sa
piling ni nanay
Kay rami ng aking
magandang laruan
Sa tuwat aliw ko sa
aming tahanan
Araw araw ako’y
pinag pagbibihis
Matapos maligo,
magsuot ng magandang damit
Kung ako’y makitang
lagi nang malinis
Sa mukha ni nanay,
tuwa’y naguguhit
Isang araw nuon,
pagka umaga na
Sa paaralang bayan
ako ay dinala
Kay rami ng bata
kami sama-sama
Sa yungyong ng isang
magandang maestra
Sa pag aaral ko isip
ay namulat
Sa tulong ng guro na
ubod ng sipag
Marunong na akong
bumasa’t sumulat
May magandang asal,
may loob na tapat.
Ganyan din sa amin
itong paaralan
Ang itinuturo’y
pawang kabutihan
Maniwala kayo ito’y
s’yang tunay
Ang maestra pala’y pangalawang nanay.
No comments:
Post a Comment